ai saḳht-gīr āñdhī itnā ḳhayāl rakhnā

ik dil bhī jal rahā hai is baam par hamārā

ai saKHt-gir aandhi itna KHayal rakhna

ek dil bhi jal raha hai is baam par hamara

ghar ke andar itne ghar haiñ is ko kaise toḌūñ maiñ

yaar kabūtar rahte haiñ is ghar ke raushan-dānoñ meñ

ghar ke andar itne ghar hain is ko kaise toDun main

yar kabutar rahte hain is ghar ke raushan-danon mein

milnā hai terī ruuh se ham ko badan baġhair

apnā libās-e-jism utāre hue haiñ ham

milna hai teri ruh se hum ko badan baghair

apna libas-e-jism utare hue hain hum

sar paTak kar dekhnā hai ek baar

'ishq ko patthar kahā thā 'mīr' ne

sar paTak kar dekhna hai ek bar

'ishq ko patthar kaha tha 'mir' ne

us musavvir ke hunar ko dekh kar

rang ḳhud meñ bhar liye tasvīr ne

us musawwir ke hunar ko dekh kar

rang KHud mein bhar liye taswir ne