āġhāz-e-mohabbat se anjām-e-mohabbat tak

guzrā hai jo kuchh ham par tum ne bhī sunā hogā

aaghaz-e-mohabbat se anjam-e-mohabbat tak

guzra hai jo kuchh hum par tum ne bhi suna hoga

aarzū lutf talab ishq sarāsar nākām

mubtalā zindagi-e-dil inhīñ auhām meñ hai

aarzu lutf talab ishq sarasar nakaam

mubtala zindagi-e-dil inhin auham mein hai

asar-e-ishq se huuñ sūrat-e-sham.a ḳhāmosh

ye muraqqa.a hai mirī hasrat-e-goyā.ī kā

asar-e-ishq se hun surat-e-shama KHamosh

ye muraqqa hai meri hasrat-e-goyai ka

kyā jaane kis ḳhayāl se chhoḌā pa hāl-e-zār

mujh par baḌā karam hai mire chārasāz kā

kya jaane kis KHayal se chhoDa pa haal-e-zar

mujh par baDa karam hai mere chaarasaz ka

maiñ ġharq ho rahā thā ki tūfān-e-ishq ne

ik mauj-e-be-qarār ko sāhil banā diyā

main gharq ho raha tha ki tufan-e-ishq ne

ek mauj-e-be-qarar ko sahil bana diya