mujh ko saphaltā baiThe biThā.e nahīñ milī

maiñ ne guhar talāshe haiñ dariyā khañgāl kar

mujh ko saphalta baiThe biThae nahin mili

main ne guhar talashe hain dariya khangal kar

marāsim barf meñ dabne na paa.eñ

qarīb aao december aa rahā hai

marasim barf mein dabne na paen

qarib aao december aa raha hai

dekho to kaam ek bhī ham ne kahāñ kiyā

pūchho to ek pal kī bhī fursat nahīñ rahī

dekho to kaam ek bhi hum ne kahan kiya

puchho to ek pal ki bhi fursat nahin rahi

haaT pe kyā biktā thā ham ko kyā matlab

apnī jeb meñ bas ḳhvāboñ ke sikke the

haT pe kya bikta tha hum ko kya matlab

apni jeb mein bas KHwabon ke sikke the

juḌā hī rahtā hai mamtā kī garbhnāl se vo

vajūd beTe kā maañ se judā nahīñ hotā

juDa hi rahta hai mamta ki garbhnal se wo

wajud beTe ka man se juda nahin hota