bayāñ maiñ kis se karūñ jā ke ab gila dil kā

ye dil kā dil hī meñ hovegā faisla dil kā

bayan main kis se karun ja ke ab gila dil ka

ye dil ka dil hi mein howega faisla dil ka

jā phañsā dil zulf meñ ab soiye

shaam ke murde ko kab tak Dhoiye

ja phansa dil zulf mein ab soiye

sham ke murde ko kab tak Dhoiye

din kaTā fariyād se aur raat zaarī se kaTī

umr kaTne ko kaTī par kitnī ḳhvārī se kaTī

din kaTa fariyaad se aur raat zari se kaTi

umr kaTne ko kaTi par kitni KHwari se kaTi

itne kam-zarf nahīñ ham jo bahakte jāveñ

misl-e-gul jāveñ jidhar jāveñ mahakte jāveñ

itne kam-zarf nahin hum jo bahakte jawen

misl-e-gul jawen jidhar jawen mahakte jawen

mat karo fikr imārat kī koī zer-e-falak

ḳhāna-e-dil jo girā hai use ta.amīr karo

mat karo fikr imarat ki koi zer-e-falak

KHana-e-dil jo gira hai use tamir karo