mirā ghar jalāne vaale mujhe fikr hai tirī bhī

ki havā kā ruḳh jo badlā tirā ghar bhī jal na jaa.e

mera ghar jalane wale mujhe fikr hai teri bhi

ki hawa ka ruKH jo badla tera ghar bhi jal na jae

yuuñ to laḌā.ī-jhagḌe kī aadat nahīñ mujhe

phir bhī ġhalat kiyā thā garebān chhoḌ kar

yun to laDai-jhagDe ki aadat nahin mujhe

phir bhi ghalat kiya tha gareban chhoD kar

milā hai taḳht jo jamhūriyat meñ bandar ko

to un se kyā sabhī jañgal ke sher Dar jaa.eñ

mila hai taKHt jo jamhuriyat mein bandar ko

to un se kya sabhi jangal ke sher Dar jaen

sab hifāzat kar raheñ haiñ mustaqil dīvār kī

jab ki hamla ho rahā hai mustaqil buniyād par

sab hifazat kar rahen hain mustaqil diwar ki

jab ki hamla ho raha hai mustaqil buniyaad par

ḳhud par kisī ko hañsne kā mauqa nahīñ diyā

pūchhā kisī ne haal to cigarette jalā liyā

KHud par kisi ko hansne ka mauqa nahin diya

puchha kisi ne haal to cigarette jala liya