pāgal-pan meñ aa kar pāgal kuchh bhī to kar saktā hai

ḳhud ko izzat-dār samajhne vaale mujh se duur raheñ

pagal-pan mein aa kar pagal kuchh bhi to kar sakta hai

KHud ko izzat-dar samajhne wale mujh se dur rahen

dekhtā hai kaun 'bābar' kis kā kyā kirdār hai

jis se jo mansūb qissa ho gayā to ho gayā

dekhta hai kaun 'babar' kis ka kya kirdar hai

jis se jo mansub qissa ho gaya to ho gaya

ik ḳhvāb huuñ lekin mujhe hasrat meñ badal kar

āñkhoñ meñ nahīñ dil meñ jagah dī hai kisī ne

ek KHwab hun lekin mujhe hasrat mein badal kar

aankhon mein nahin dil mein jagah di hai kisi ne

mere andar bhī ḳhalā hai tere andar bhī ḳhalā

is ḳhalā se us ḳhalā tak hai fazā tanhā.ī kī

mere andar bhi KHala hai tere andar bhi KHala

is KHala se us KHala tak hai faza tanhai ki

pāsbānī karte karte us kī āñkheñ bujh ga.iiñ

'umr bhar jo ḳhvāhish-e-tā'mīr-e-dar kartā rahā

pasbani karte karte us ki aankhen bujh gain

'umr bhar jo KHwahish-e-ta'mir-e-dar karta raha