apnī tārīf sun ke ḳhush mat ho

varna dil meñ ġhurūr paltā hai

apni tarif sun ke KHush mat ho

warna dil mein ghurur palta hai

ashk jo aañkh se nikaltā hai

hiddat-e-ġham se dil pighaltā hai

ashk jo aankh se nikalta hai

hiddat-e-gham se dil pighalta hai

tum jahāñ ho vahāñ ye yaad rakho

har sitāra jagah badaltā hai

tum jahan ho wahan ye yaad rakho

har sitara jagah badalta hai

zahr jab aadmī ugaltā hai

tab muqābil kahāñ sañbhaltā hai

zahr jab aadmi ugalta hai

tab muqabil kahan sanbhalta hai

aa.ine se banā.e rakh har dam

aa.ina shaḳhsiyat badaltā hai

aaine se banae rakh har dam

aaina shaKHsiyat badalta hai