na koī rañj kā lamha kisī ke paas aa.e

ḳhudā kare ki nayā saal sab ko raas aa.e

na koi ranj ka lamha kisi ke pas aae

KHuda kare ki naya sal sab ko ras aae

adā huā na qarz aur vajūd ḳhatm ho gayā

maiñ zindagī kā dete dete suud ḳhatm ho gayā

ada hua na qarz aur wajud KHatm ho gaya

main zindagi ka dete dete sud KHatm ho gaya

aisī ḳhushiyāñ to kitāboñ meñ mileñgī shāyad

ḳhatm ab ghar kā tasavvur hai makāñ baaqī hai

aisi KHushiyan to kitabon mein milengi shayad

KHatm ab ghar ka tasawwur hai makan baqi hai

band ho jaatā hai kuuze meñ kabhī dariyā bhī

aur kabhī qatra samundar meñ badal jaatā hai

band ho jata hai kuze mein kabhi dariya bhi

aur kabhi qatra samundar mein badal jata hai

jo duur rah ke uḌātā rahā mazāq mirā

qarīb aayā to royā gale lagā ke mujhe

jo dur rah ke uData raha mazaq mera

qarib aaya to roya gale laga ke mujhe