bahut sī bāteñ zabāñ se kahī nahīñ jātīñ

savāl kar ke use dekhnā zarūrī hai

bahut si baaten zaban se kahi nahin jatin

sawal kar ke use dekhna zaruri hai

hamārī fat.h ke andāz duniyā se nirāle haiñ

ki parcham kī jagah neze pe apnā sar nikaltā hai

hamari fath ke andaz duniya se nirale hain

ki parcham ki jagah neze pe apna sar nikalta hai

hamīñ pe ḳhatm haiñ jaur-o-sitam zamāne ke

hamāre baad use kis kī aarzū hogī

hamin pe KHatm hain jaur-o-sitam zamane ke

hamare baad use kis ki aarzu hogi

umr bhar milne nahīñ detī haiñ ab to ranjisheñ

vaqt ham se ruuTh jaane kī adā tak le gayā

umr bhar milne nahin deti hain ab to ranjishen

waqt hum se ruTh jaane ki ada tak le gaya

'umr-bhar 'ahd-e-ta'alluq ke nigah-dār rahe

apne baare meñ koī ḳhvāb na dekhā ham ne

'umr-bhar 'ahd-e-ta'alluq ke nigah-dar rahe

apne bare mein koi KHwab na dekha hum ne