فواد احمد کی شاعری

فواد احمد کے اشعار

روٹھے لوگوں کو منانے میں مزہ آتا ہے

جان کر آپ کو ناراض کیا ہے میں نے

تم مجھے چھوڑ کے اس طرح نہیں جا سکتے

اس تعلق پہ بہت ناز کیا ہے میں نے

بے کیف کٹ رہی تھی مسلسل یہ زندگی

پھر خواب میں وہ خواب سا پیکر ملا مجھے

وہ جس کا نام پڑا ہے خموش لوگوں میں

یہاں پہ لفظوں کے دریا بہا رہا تھا ابھی

دل و نظر کی بقا ہے فقط محبت میں

دل و نظر سے کوئی اور کام مت لینا

جو پلکوں سے گر جائے آنسو کا قطرہ

جو پلکوں میں رہ جائے گا وہ گہر ہے