rūThe logoñ ko manāne meñ maza aatā hai

jaan kar aap ko nārāz kiyā hai maiñ ne

ruThe logon ko manane mein maza aata hai

jaan kar aap ko naraaz kiya hai main ne

tum mujhe chhoḌ ke is tarah nahīñ jā sakte

is ta.alluq pe bahut naaz kiyā hai maiñ ne

tum mujhe chhoD ke is tarah nahin ja sakte

is talluq pe bahut naz kiya hai main ne

be-kaif kaT rahī thī musalsal ye zindagī

phir ḳhvāb meñ vo ḳhvāb sā paikar milā mujhe

be-kaif kaT rahi thi musalsal ye zindagi

phir KHwab mein wo KHwab sa paikar mila mujhe

vo jis kā naam paḌā hai ḳhamosh logoñ meñ

yahāñ pe lafzoñ ke dariyā bahā rahā thā abhī

wo jis ka nam paDa hai KHamosh logon mein

yahan pe lafzon ke dariya baha raha tha abhi

dil o nazar kī baqā hai faqat mohabbat meñ

dil o nazar se koī aur kaam mat lenā

dil o nazar ki baqa hai faqat mohabbat mein

dil o nazar se koi aur kaam mat lena

jo palkoñ se gir jaa.e aañsū kā qatra

jo palkoñ meñ rah jā.egā vo guhar hai

jo palkon se gir jae aansu ka qatra

jo palkon mein rah jaega wo guhar hai