jab un kī bazm meñ har ḳhaas o aam rusvā hai

ajiib kyā hai agar merā naam rusvā hai

jab un ki bazm mein har KHas o aam ruswa hai

ajib kya hai agar mera nam ruswa hai

ye sochā hai ki tujh ko sochnā ab chhoḌ dūñgā maiñ

ye laġhzish mujh se lekin be-irāda ho hī jaatī hai

ye socha hai ki tujh ko sochna ab chhoD dunga main

ye laghzish mujh se lekin be-irada ho hi jati hai

kaise mumkin hai ki qisse jis se sab vābasta hoñ

vo chale aur saath us ke dāstāñ koī na ho

kaise mumkin hai ki qisse jis se sab wabasta hon

wo chale aur sath us ke dastan koi na ho

raah meñ us kī chaleñ aur imtihāñ koī na ho

kaise mumkin hai ki ātish ho dhuāñ koī na ho

rah mein us ki chalen aur imtihan koi na ho

kaise mumkin hai ki aatish ho dhuan koi na ho

baḌhānā haath pakaḌne ko rañg muTThī meñ

to titliyoñ ke paroñ kā darāz ho jaanā

baDhana hath pakaDne ko rang muTThi mein

to titliyon ke paron ka daraaz ho jaana