shagufta bāġh-e-suḳhan hai hamīñ se ai 'sābir'

jahāñ meñ misl-e-nasīm-e-bahār ham bhī haiñ

shagufta bagh-e-suKHan hai hamin se ai 'sabir'

jahan mein misl-e-nasim-e-bahaar hum bhi hain

tū jafāoñ se jo badnām kiye jaatā hai

yaad aa.egī tujhe merī vafā mere baad

tu jafaon se jo badnam kiye jata hai

yaad aaegi tujhe meri wafa mere baad

'sābir' terā kalām suneñ kyuuñ na ahl-e-fan

bandish ajab hai aur ajab bol chaal hai

'sabir' tera kalam sunen kyun na ahl-e-fan

bandish ajab hai aur ajab bol chaal hai

tum ne kyuuñ dil meñ jagah dī hai butoñ ko 'sābir'

tum ne kyuuñ kaaba ko but-ḳhāna banā rakkhā hai

tum ne kyun dil mein jagah di hai buton ko 'sabir'

tum ne kyun kaba ko but-KHana bana rakkha hai

un kī mānind koī sāhab-e-idrāk kahāñ

jo farishte nahīñ samjhe vo bashar samjhe haiñ

un ki manind koi sahab-e-idrak kahan

jo farishte nahin samjhe wo bashar samjhe hain