jī meñ aatā hai ki duniyā ko badalnā chāhiye

aur apne aap se māyūs ho jaatā huuñ maiñ

ji mein aata hai ki duniya ko badalna chahiye

aur apne aap se mayus ho jata hun main

jis qadar mahmez kartā huuñ maiñ 'sājid' vaqt ko

us qadar be-sabr rahne kī use aadat nahīñ

jis qadar mahmez karta hun main 'sajid' waqt ko

us qadar be-sabr rahne ki use aadat nahin

kabhī mohabbat se baaz rahne kā dhyān aa.e to sochtā huuñ

ye zahr itne dinoñ se mere vajūd meñ kaise pal rahā hai

kabhi mohabbat se baz rahne ka dhyan aae to sochta hun

ye zahr itne dinon se mere wajud mein kaise pal raha hai

kisī ne faqr se apne ḳhazāne bhar liye lekin

kisī ne shahryāroñ se bhī sīm-o-zar nahīñ paa.e

kisi ne faqr se apne KHazane bhar liye lekin

kisi ne shahryaron se bhi sim-o-zar nahin pae

maiñ huuñ magar aaj us galī ke sabhī darīche khule hue haiñ

ki ab maiñ āzād ho chukā huuñ tamām ā.ankhoñ ke dā.eroñ se

main hun magar aaj us gali ke sabhi dariche khule hue hain

ki ab main aazad ho chuka hun tamam aaankhon ke daeron se