mere liye jiine kā sahārā hai abhī tak

vo ahd-e-tamannā ki tumheñ yaad na hogā

mere liye jine ka sahaara hai abhi tak

wo ahd-e-tamanna ki tumhein yaad na hoga

vo bhalā kaise batā.e ki ġham-e-hijr hai kyā

jis ko āġhosh-e-mohabbat kabhī hāsil na huā

wo bhala kaise batae ki gham-e-hijr hai kya

jis ko aaghosh-e-mohabbat kabhi hasil na hua

iz.hār-e-ġham kiyā thā ba-ummīd-e-iltifāt

kyā pūchhte ho kitnī nadāmat hai aaj tak

izhaar-e-gham kiya tha ba-ummid-e-iltifat

kya puchhte ho kitni nadamat hai aaj tak

hazāroñ tamannāoñ ke ḳhuuñ se ham ne

ḳharīdī hai ik tohmat-e-pārsā.ī

hazaron tamannaon ke KHun se hum ne

KHaridi hai ek tohmat-e-parsai

mujh ko ehsās-e-rañg-o-bū na huā

yuuñ bhī aksar bahār aa.ī hai

mujh ko ehsas-e-rang-o-bu na hua

yun bhi aksar bahaar aai hai