iz.hār pe bhārī hai ḳhamoshī kā takallum

harfoñ kī zabāñ aur hai āñkhoñ kī zabāñ aur

izhaar pe bhaari hai KHamoshi ka takallum

harfon ki zaban aur hai aankhon ki zaban aur

jo kushūd-e-kār-e-tilism hai vo faqat hamārā hī ism hai

vo girah kisī se khulegī kyā jo tirī jabīñ kī shikan meñ hai

jo kushud-e-kar-e-tilism hai wo faqat hamara hi ism hai

wo girah kisi se khulegi kya jo teri jabin ki shikan mein hai

kisī ke jaur-e-musalsal kā faiz hai 'aḳhgar'

vagarna dard hamāre suḳhan meñ kitnā thā

kisi ke jaur-e-musalsal ka faiz hai 'aKHgar'

wagarna dard hamare suKHan mein kitna tha

be-shak asīr-e-gesū-e-jānāñ haiñ be-shumār

hai koī ishq meñ bhī giraftār dekhnā

be-shak asir-e-gesu-e-jaanan hain be-shumar

hai koi ishq mein bhi giraftar dekhna

kāfir sahī hazār magar is ko kyā kaheñ

ham par vo mehrbāñ hai musalmān kī tarah

kafir sahi hazar magar is ko kya kahen

hum par wo mehrban hai musalman ki tarah