azīzo tum na kuchh us ko kaho huā so huā

nipaT hī tund hai zālim kī ḳhū huā so huā

azizo tum na kuchh us ko kaho hua so hua

nipaT hi tund hai zalim ki KHu hua so hua

kāfir-e-ishq huuñ ai shaiḳh pe zinhār nahīñ

terī tasbīh ko nisbat mirī zunnār ke saath

kafir-e-ishq hun ai shaiKH pe zinhaar nahin

teri tasbih ko nisbat meri zunnar ke sath

kheleñ aapas meñ parī-chehra jahāñ zulfeñ khol

kaun pūchhe hai vahāñ hāl-e-pareshāñ merā

khelen aapas mein pari-chehra jahan zulfen khol

kaun puchhe hai wahan haal-e-pareshan mera

sajda-gāh-e-barhaman aur shaiḳh haiñ dair-o-haram

mai-parastoñ ke liye buniyād mai-ḳhāne hue

sajda-gah-e-barhaman aur shaiKH hain dair-o-haram

mai-paraston ke liye buniyaad mai-KHane hue

sāqiyā paiham pilā de mujh ko mālā-māl jaam

aayā huuñ yaañ maiñ azāb-e-hoshyārī khīñch kar

saqiya paiham pila de mujh ko mala-mal jam

aaya hun yan main azab-e-hoshyari khinch kar