kuchh aur de na paa.e zamāne ko ham 'hilāl'

paiġhām-e-amn deñge isī shā.erī se ham

kuchh aur de na pae zamane ko hum 'hilal'

paigham-e-amn denge isi shaeri se hum

jab chhuā hogā us ne phūloñ ko

hosh ḳhushbū ke uḌ ga.e hoñge

jab chhua hoga us ne phulon ko

hosh KHushbu ke uD gae honge

ġharīb shaḳhs ko miltā nahīñ kisī bhī tarah

ye ishq ho gayā sarkārī naukrī kī tarah

gharib shaKHs ko milta nahin kisi bhi tarah

ye ishq ho gaya sarkari naukri ki tarah

kahne pe tere maañ ko bhalā kaise chhoḌ duuñ

tū aisā kar ki dūsrā shauhar talāsh kar

kahne pe tere man ko bhala kaise chhoD dun

tu aisa kar ki dusra shauhar talash kar

tumhāre sāmne jazbāt saare khol saktā huuñ

jo sunñā chāhte ho tum maiñ vo bhī bol saktā huuñ

tumhaare samne jazbaat sare khol sakta hun

jo sunna chahte ho tum main wo bhi bol sakta hun