apne lahje pe ġhaur kar ke batā

lafz kitne haiñ tiir kitne haiñ

apne lahje pe ghaur kar ke bata

lafz kitne hain tir kitne hain

ham zamāna-shanās the phir bhī

dāstāñ-go pe e'tibār kiyā

hum zamana-shanas the phir bhi

dastan-go pe e'tibar kiya

jitnī fursat hai zindagī meñ nasīb

utnī fursat meñ maiñ se tū ho jā

jitni fursat hai zindagi mein nasib

utni fursat mein main se tu ho ja

shaam hote hī tere hijr kā dukh

dil meñ ḳhema lagā ke baiTh gayā

sham hote hi tere hijr ka dukh

dil mein KHema laga ke baiTh gaya

tire baġhair guzārā nahīñ kisī sūrat

use ye baat batāne se baat bigḌī hai

tere baghair guzara nahin kisi surat

use ye baat batane se baat bigDi hai