hamāre gaañv se bārish ḳhulūs kī le jā

ki tere shahr kā sab kuchh alaav par hogā

hamare ganw se barish KHulus ki le ja

ki tere shahr ka sab kuchh alaw par hoga

ham ne ḳhud bhar diyā paimāne meñ apnā hī lahū

jab bhī maiḳhāne kī tauqīr pe aañch aa.ī hai

hum ne KHud bhar diya paimane mein apna hi lahu

jab bhi maiKHane ki tauqir pe aanch aai hai

koshisheñ ik hameñ miTāne kī

rasm sī ban ga.ī zamāne kī

koshishen ek hamein miTane ki

rasm si ban gai zamane ki

majbūr kā shikva kyā majbūr kī aaheñ kyā

ye aap kī duniyā hai bas aap kī chaltī hai

majbur ka shikwa kya majbur ki aahen kya

ye aap ki duniya hai bas aap ki chalti hai

us ne hāthoñ kī lakīroñ se baġhāvat kī thī

ab jahāñ hogā mirī tarah vo tanhā hogā

us ne hathon ki lakiron se baghawat ki thi

ab jahan hoga meri tarah wo tanha hoga