bujh jā.egā ik roz tirī yaad kā shola

lekin mire siine meñ dhuāñ yuuñ hī rahegā

bujh jaega ek roz teri yaad ka shola

lekin mere sine mein dhuan yun hi rahega

dariyā ko kināre se kyā dekhte rahte ho

andar se kabhī dekho kaisā nazar aatā hai

dariya ko kinare se kya dekhte rahte ho

andar se kabhi dekho kaisa nazar aata hai

niind se jaagā huuñ to baiThā sochtā huuñ

ḳhvāb meñ us ko paayā thā yā saayā thā

nind se jaga hun to baiTha sochta hun

KHwab mein us ko paya tha ya saya tha

pukārte the mujhe āsmāñ magar maiñ ne

qayām karne ko ye ḳhāk-dāñ pasand kiyā

pukarte the mujhe aasman magar main ne

qayam karne ko ye KHak-dan pasand kiya

ye mohabbat bhī ek nekī hai

is ko dariyā meñ Daal aate haiñ

ye mohabbat bhi ek neki hai

is ko dariya mein Dal aate hain