us kī tasvīr meñ ḳhūñ-rezī ke sab chaav nikāl

ai musavvir mirī gardan pe ka.ī ghaav nikāl

us ki taswir mein KHun-rezi ke sab chaw nikal

ai musawwir meri gardan pe kai ghaw nikal

kiyā jo pahle hī daaġh dil ko maiñ us ke ġham meñ to ishq bolā

charāġh raushan murād hāsil murād hāsil charāġh raushan

kiya jo pahle hi dagh dil ko main us ke gham mein to ishq bola

charagh raushan murad hasil murad hasil charagh raushan

sharār-e-ġham se tire alam meñ ye mere dil ke haiñ daaġh raushan

kare divālī ko jaise aalam tamām ghar meñ charāġh raushan

sharar-e-gham se tere alam mein ye mere dil ke hain dagh raushan

kare diwali ko jaise aalam tamam ghar mein charagh raushan

us rashk-e-chaman ke ta.iiñ gar dekhne pā.ūñ

marne se jo bach jā.ūñ to phūlā na samā.ūñ

us rashk-e-chaman ke tain gar dekhne paun

marne se jo bach jaun to phula na samaun