عشرت قادری کی شاعری

عشرت قادری کے اشعار

ان اندھیروں سے پرے اس شب غم سے آگے

اک نئی صبح بھی ہے شام الم سے آگے

وہ تیرے بچھڑنے کا سماں یاد جب آیا

بیتے ہوئے لمحوں کو سسکتے ہوئے دیکھا

کون دیکھے گا مجھ میں اب چہرہ

آئینہ تھا بکھر گیا ہوں میں

ظاہری شکل میری زندہ ہے

اور اندر سے مر گیا ہوں میں

یوں زندگی گزر رہی ہے میری

جو ان کی ہے وہی خوشی ہے میری

اک سایہ شرماتا لجاتا راہ میں تنہا چھوڑ گیا

میں پرچھائیں ڈھونڈ رہا ہوں ٹوٹی ہوئی دیواروں پر

دریافت کر کے خود کو زمانے سے دور ہوں

ہر شخص با شعور ہے میں بے شعور ہوں