sadiyoñ se zamāne kā ye andāz rahā hai

saaya bhī judā ho gayā jab vaqt paḌā hai

sadiyon se zamane ka ye andaz raha hai

saya bhi juda ho gaya jab waqt paDa hai

ye daur bhī kyā daur hai is daur meñ yaaro

sach bolne vāloñ kā hī anjām burā hai

ye daur bhi kya daur hai is daur mein yaro

sach bolne walon ka hi anjam bura hai

ghar apnā kisī aur kī nazroñ se na dekho

har tarah se ujḌā hai magar phir bhī sajā hai

ghar apna kisi aur ki nazron se na dekho

har tarah se ujDa hai magar phir bhi saja hai

ye kaisā vaqt mujh par aa gayā hai

mire qad se mirā saayā baḌā hai

ye kaisa waqt mujh par aa gaya hai

mere qad se mera saya baDa hai

agar ye zid hai ki mujh se duā salām na ho

to aisī raah se guzro jo rāh-e-ām na ho

agar ye zid hai ki mujh se dua salam na ho

to aisi rah se guzro jo rah-e-am na ho

aur jo hogā vo bhī dekheñge

vaise kyā kuchh nahīñ huā hai miyāñ

aur jo hoga wo bhi dekhenge

waise kya kuchh nahin hua hai miyan