mujhe tanhā.ī kī aadat hai merī baat chhoḌeñ

ye liije aap kā ghar aa gayā hai haat chhoḌeñ

mujhe tanhai ki aadat hai meri baat chhoDen

ye lije aap ka ghar aa gaya hai hat chhoDen

ye jo milāte phirte ho tum har kisī se haath

aisā na ho ki dhonā paḌe zindagī se haath

ye jo milate phirte ho tum har kisi se hath

aisa na ho ki dhona paDe zindagi se hath

ye kah ke us ne mujhe maḳhmase meñ Daal diyā

milāo haath agar vāqa.ī mohabbat hai

ye kah ke us ne mujhe maKHmase mein Dal diya

milao hath agar waqai mohabbat hai

us ne āvāra-mizājī ko nayā moḌ diyā

pā-ba-zanjīr kiyā aur mujhe chhoḌ diyā

us ne aawara-mizaji ko naya moD diya

pa-ba-zanjir kiya aur mujhe chhoD diya

guzar rahī thī zindagī guzar rahī hai zindagī

nasheb ke baġhair bhī farāz ke baġhair bhī

guzar rahi thi zindagi guzar rahi hai zindagi

nasheb ke baghair bhi faraaz ke baghair bhi