کامل اختر کی شاعری

کامل اختر کے اشعار

منظروں کی بھیڑ ایسی تو کبھی دیکھی نہ تھی

گاؤں اچھا تھا مگر اس میں کوئی لڑکی نہ تھی

اکثر اسی خیال نے مایوس کر دیا

شاید تمام عمر یوں ہی کاٹنی پڑے

عمر بھر یاد رہا اپنی وفاؤں کی طرح

ایک وہ عہد جسے آپ نے پورا نہ کیا

اب تو ہر وقت وہی اتنا رلاتا ہے مجھے

جس کو جاتے ہوئے میں دیکھ کے رو بھی نہ سکا

لمحوں کے تار کھینچتا رہتا تھا رات دن

اک شخص لے گیا مری صدیاں سمیٹ کے

رتوں کے رنگ بدلتے ہوئے بھی بنجر ہے

وہ ایک خاص علاقہ جو دل کے اندر ہے