ye ḳhadd-o-ḳhāl ye gesū ye sūrat-e-zebā

sabhī kā husn hai apnī jagah magar āñkheñ

ye KHadd-o-KHal ye gesu ye surat-e-zeba

sabhi ka husn hai apni jagah magar aankhen

ham to apne qad ke barābar bhī na hue

log na jaane kaise ḳhudā ho jaate haiñ

hum to apne qad ke barabar bhi na hue

log na jaane kaise KHuda ho jate hain

umr-e-rafta jā kisī dīvār ke saa.e meñ baiTh

be-sabab kī ḳhvāhisheñ haiñ aur ghar kī justujū

umr-e-rafta ja kisi diwar ke sae mein baiTh

be-sabab ki KHwahishen hain aur ghar ki justuju

kaun guzrā hai ye āñdhiyoñ kī tarah

sham.a-e-rāh-e-vafā ko bujhāte hue

kaun guzra hai ye aandhiyon ki tarah

shama-e-rah-e-wafa ko bujhate hue

tark-e-ta.alluqāt meñ mahjūr to hue

lekin ḳhayāl-o-ḳhvāb meñ vo rū-ba-rū rahe

tark-e-talluqat mein mahjur to hue

lekin KHayal-o-KHwab mein wo ru-ba-ru rahe