ab kisī aur taraf baat ghumāne vaale

maiñ samajhtī huuñ tirī baat kā matlab samjhe

ab kisi aur taraf baat ghumane wale

main samajhti hun teri baat ka matlab samjhe

mansūb charāġhoñ se taraf-dār havā ke

tum log munāfiq ho munāfiq bhī balā ke

mansub charaghon se taraf-dar hawa ke

tum log munafiq ho munafiq bhi bala ke

savāl kaun uThā.egā munsifoñ pe huzūr

barī hue sabhī mujrim gavāh qaid meñ hai

sawal kaun uThaega munsifon pe huzur

bari hue sabhi mujrim gawah qaid mein hai

añdhere kamre meñ raqs kartī rahegī vahshat

aur ek kone meñ pārsā.ī paḌī rahegī

andhere kamre mein raqs karti rahegi wahshat

aur ek kone mein parsai paDi rahegi

maiñ ḳhāndān kī pābandiyoñ se vāqif thī

ḳhudā kā shukr hai us shaḳhs ne vafā nahīñ kī

main KHandan ki pabandiyon se waqif thi

KHuda ka shukr hai us shaKHs ne wafa nahin ki