talḳhāba-e-hayāt piyā hai tamām umar

ab aur kyā milā.egā saaqī sharāb meñ

talKHaba-e-hayat piya hai tamam umar

ab aur kya milaega saqi sharab mein

mirī samajh meñ na aayā ye kārobār-e-hayāt

kahāñ hai nafā kahāñ hai zarar nahīñ ma.alūm

meri samajh mein na aaya ye karobar-e-hayat

kahan hai nafa kahan hai zarar nahin malum

yahī bahut hai ki zinda haiñ qaid-e-zīst meñ ham

ye kaisī shaam hai kaisī sahar nahīñ ma.alūm

yahi bahut hai ki zinda hain qaid-e-zist mein hum

ye kaisi sham hai kaisi sahar nahin malum