ishq tū ne baḌā nuqsān kiyā hai merā

maiñ to us shaḳhs se nafrat bhī nahīñ kar saktā

ishq tu ne baDa nuqsan kiya hai mera

main to us shaKHs se nafrat bhi nahin kar sakta

mire qabīle meñ ta.alīm kā rivāj na thā

mire buzurg magar taḳhtiyāñ banāte the

mere qabile mein talim ka riwaj na tha

mere buzurg magar taKHtiyan banate the

maiñ dauḌ dauḌ ke ḳhud ko pakaḌ ke laatā huuñ

tumhāre ishq ne bachchā banā diyā hai mujhe

main dauD dauD ke KHud ko pakaD ke lata hun

tumhaare ishq ne bachcha bana diya hai mujhe

maiñ bahut jald lauT ā.ūñgā

tum mirā intizār mat karnā

main bahut jald lauT aaunga

tum mera intizar mat karna

jahāñ jo thā vahīñ rahnā thā us ko

magar ye log hijrat kar rahe haiñ

jahan jo tha wahin rahna tha us ko

magar ye log hijrat kar rahe hain