ġhurbat ne chhīn liiñ mere chehre kī raunaqeñ

yuuñ to kisī amiir se kamtar nahīñ huuñ maiñ

ghurbat ne chhin lin mere chehre ki raunaqen

yun to kisi amir se kamtar nahin hun main

hai muqaddar meñ zuleḳhā se judā.ī shāyad

ḳhvāb meñ misr ke bāzār nazar aate haiñ

hai muqaddar mein zuleKHa se judai shayad

KHwab mein misr ke bazar nazar aate hain

is liye ḳhaak se ulfat hai ki ḳhaak honā hai

ye rivāyat nahīñ aayat hai ki ḳhaak honā hai

is liye KHak se ulfat hai ki KHak hona hai

ye riwayat nahin aayat hai ki KHak hona hai

muskurātā huuñ to rotā hai mirā zaḳhm-e-jigar

rone lagtā huuñ to hoñToñ ko chubhan hotī hai

muskuraata hun to rota hai mera zaKHm-e-jigar

rone lagta hun to honTon ko chubhan hoti hai

tark-e-ta.alluqāt pe raazī nahīñ huuñ maiñ

ya.anī tumhārī baat pe raazī nahīñ huuñ maiñ

tark-e-talluqat pe raazi nahin hun main

yani tumhaari baat pe raazi nahin hun main