laḌkā na koī phir se ho barbād dahr meñ

tujh par na jaa.eñ beTiyāñ terī ḳhudā kare

laDka na koi phir se ho barbaad dahr mein

tujh par na jaen beTiyan teri KHuda kare

mirī nigāh ko gar terī diid ho jaa.e

qasam ḳhudā kī mirī iid iid ho jaa.e

meri nigah ko gar teri did ho jae

qasam KHuda ki meri id id ho jae

bevafā.ī kī jab bhī baat chalī

bā-ḳhudā tum bahut hī yaad aa.e

bewafai ki jab bhi baat chali

ba-KHuda tum bahut hi yaad aae

ik baar meñ hī tū mirā qissa tamām kar

qistoñ meñ kar rahā hai bhalā qatl kyoñ mujhe

ek bar mein hi tu mera qissa tamam kar

qiston mein kar raha hai bhala qatl kyon mujhe

misl-e-mausam jo badalte to koī baat na thī

tū ne to badlā hai girgiT kī tarah rang apnā

misl-e-mausam jo badalte to koi baat na thi

tu ne to badla hai girgiT ki tarah rang apna