yuuñ to ashkoñ se bhī hotā hai alam kā iz.hār

haa.e vo ġham jo tabassum se ayaañ hotā hai

yun to ashkon se bhi hota hai alam ka izhaar

hae wo gham jo tabassum se ayan hota hai

patthar bhī chaTaḳhte haiñ to de jaate haiñ āvāz

dil TuuT rahe haiñ to sadā kyuuñ nahīñ dete

patthar bhi chaTaKHte hain to de jate hain aawaz

dil TuT rahe hain to sada kyun nahin dete

kyā merī tarah ḳhānamāñ-barbād ho tum bhī

kyā baat hai tum ghar kā patā kyuuñ nahīñ dete

kya meri tarah KHanaman-barbaad ho tum bhi

kya baat hai tum ghar ka pata kyun nahin dete