جھیل کے ٹھہرے ہوئے پانی میں پتھر پھینک کر

دائرہ اٹھتی ہوئی لہروں کا ہم دیکھا کئے

جب بھی میں نے کھول کر دیکھی ہے یادوں کی کتاب

یوں ہی صفحوں پر تڑپتے مل گئے کچھ واقعات

ہم تو سمجھے تھے ہمیں پہچانتا کوئی نہیں

اپنی بربادی تو گھر گھر کی کہانی ہو گئی

کل نہ جانے شہر میں کس بات کا جلسہ ہوا

آج سارے شہر کا نقشہ ہے کچھ بدلا ہوا

ہر قدم کو سوچ کر رکھیے گا اب

حادثہ ہے راہ میں چلتا ہوا

در و دیوار پہ پرچھائیاں آتی تھیں نظر

بات کرنے کو بھی ترسی ہوں سحر ہونے تک