kahāñ hai tāb-o-tāqat jis pe tum ko naaz rahtā thā

javānī par na tum 'masrūr' itrāte to achchhā thā

kahan hai tab-o-taqat jis pe tum ko naz rahta tha

jawani par na tum 'masrur' itraate to achchha tha

marhūm shā'iroñ kā jo mil jaa.e kuchh kalām

sarqe kā le ke jaam chalo shā'irī kareñ

marhum sha'iron ka jo mil jae kuchh kalam

sarqe ka le ke jam chalo sha'iri karen

muft kī pī kar kahī thī ek din ham ne ġhazal

sher uTh uTh kar chachā ġhālib se Takrāne lage

muft ki pi kar kahi thi ek din hum ne ghazal

sher uTh uTh kar chacha ghaalib se Takrane lage

ḳhvāb jab se ik hasīna ke nazar aane lage

maulvī sāhab bhī beauty parlour jaane lage

KHwab jab se ek hasina ke nazar aane lage

maulwi sahab bhi beauty parlour jaane lage

ga.e the bālTī bharne pe un se ishq kar baiThe

ghaḌe apne kisī masjid se bhar laate to achchhā thā

gae the baalTi bharne pe un se ishq kar baiThe

ghaDe apne kisi masjid se bhar late to achchha tha