vo aur hoñge jin ko hai fikr-e-ziyān-o-sūd

duniyā se be-niyāz hai merī ġhazal kā rang

wo aur honge jin ko hai fikr-e-ziyan-o-sud

duniya se be-niyaz hai meri ghazal ka rang

ik ashk-e-nadāmat se dhul jaate sabhī isyāñ

ik ashk-e-nadāmat tak pahuñchā hī nahīñ koī

ek ashk-e-nadamat se dhul jate sabhi isyan

ek ashk-e-nadamat tak pahuncha hi nahin koi

jo log aa rahe haiñ tumhāre qarīb-tar

muḌ kar vo sū-e-shām-o-sahar dekhte nahīñ

jo log aa rahe hain tumhaare qarib-tar

muD kar wo su-e-sham-o-sahar dekhte nahin

nazar kartā nahīñ nashsha-laboñ par

ki jis ke haath paimāne lage haiñ

nazar karta nahin nashsha-labon par

ki jis ke hath paimane lage hain

jo kah rahe the ḳhuun se sīñcheñge gulsitāñ

vo hāmiyān-e-fasl-e-bahārāñ kidhar ga.e

jo kah rahe the KHun se sinchenge gulsitan

wo hamiyan-e-fasl-e-bahaaran kidhar gae