kuchh is tarah se kahā mujh se baiThne ke liye

ki jaise bazm se us ne uThā diyā hai mujhe

kuchh is tarah se kaha mujh se baiThne ke liye

ki jaise bazm se us ne uTha diya hai mujhe

maiñ apne hijr meñ thā mubtalā azal se magar

tire visāl ne mujh se milā diyā hai mujhe

main apne hijr mein tha mubtala azal se magar

tere visal ne mujh se mila diya hai mujhe

charāġh-hā-e-takalluf bujhā diye ga.e haiñ

uThāo jaam ki parde uThā diye ga.e haiñ

charagh-ha-e-takalluf bujha diye gae hain

uThao jam ki parde uTha diye gae hain

zaḳhm-e-talāsh meñ hai nihāñ marham-e-dalīl

tū apnā dil na haar mohabbat bahāl rakh

zaKHm-e-talash mein hai nihan marham-e-dalil

tu apna dil na haar mohabbat bahaal rakh

ḳhud se guzre to qayāmat se guzar jā.eñge ham

ya.anī har haal kī hālat se guzar jā.eñge ham

KHud se guzre to qayamat se guzar jaenge hum

yani har haal ki haalat se guzar jaenge hum