اندھیرا ہے کیسے ترا خط پڑھوں لفافے میں کچھ روشنی بھیج دے

اس سے ملے زمانہ ہوا لیکن آج بھی دل سے دعا نکلتی ہے خوش ہو جہاں بھی ہو

کوئی حادثہ کوئی سانحہ کوئی بہت ہی بری خبر ابھی کہیں سے آئے_گی! ایسی جان_لیوا فکروں میں سارا دن ڈوبا رہتا ہوں رات کو سونے سے پہلے اپنے_آپ سے کہتا ہوں بھائی مرے دن خیر سے گزرا گھر میں سب آرام سے ہیں کل کی فکریں کل کے لیے اٹھا رکھو ممکن ہو تو اپنے_آپ کو موت کی نیند سلا رکھو!!

دھوپ نے گزارش کی ایک بوند بارش کی

کہیں کھو نہ جائے قیامت کا دن یہ اچھا سمے ہے ابھی بھیج دے

آج پھر مجھ سے کہا دریا نے کیا ارادہ ہے بہا لے جاؤں

ہر وقت کھلتے پھول کی جانب تکا نہ کر مرجھا کے پتیوں کو بکھرتے ہوئے بھی دیکھ

اور کوئی چارا نہ تھا اور کوئی صورت نہ تھی اس کے رہے ہو کے ہم جس سے محبت نہ تھی اتنے بڑے شہر میں کوئی ہمارا نہ تھا اپنے سوا آشنا ایک بھی صورت نہ تھی اس بھری دنیا سے وہ چل دیا چپکے سے یوں جیسے کسی کو بھی اب اس کی ضرورت نہ تھی اب تو کسی بات پر کچھ نہیں ہوتا ہمیں آج سے پہلے کبھی ایسی تو حالت نہ تھی سب سے چھپاتے رہے دل میں دباتے رہے تم سے کہیں کس لیے غم تھا وہ دولت نہ تھی اپنا تو جو کچھ بھی تھا گھر میں پڑا تھا سبھی تھوڑا بہت چھوڑنا چور کی عادت نہ تھی ایسی کہانی کا میں آخری کردار تھا جس میں کوئی رس نہ تھا کوئی بھی عورت نہ تھی شعر تو کہتے تھے ہم سچ ہے یہ علویؔ مگر تم کو سناتے کبھی اتنی بھی فرصت نہ تھی

آئینے میں وہ دیکھ رہے تھے بہار_حسن آیا مرا خیال تو شرما کے رہ گئے

اک یاد رہ گئی ہے مگر وہ بھی کم نہیں اک درد رہ گیا ہے سو رکھنا سنبھال کر