rañg badlā huā thā phūloñ kā

tum yaqīnan udaas guzre the

rang badla hua tha phulon ka

tum yaqinan udas guzre the

dastak dene vaale tujh ko ilm nahīñ

darvāze ke donoñ jānib taalā hai

dastak dene wale tujh ko ilm nahin

darwaze ke donon jaanib tala hai

likh ke rakh detā huuñ alfāz sabhī kāġhaz par

lafz ḳhud bol ke tāsīr banā lete haiñ

likh ke rakh deta hun alfaz sabhi kaghaz par

lafz KHud bol ke tasir bana lete hain

ik karb kā mausam hai jo daa.im hai abhī tak

ik hijr kā qissa ki mukammal nahīñ hotā

ek karb ka mausam hai jo daim hai abhi tak

ek hijr ka qissa ki mukammal nahin hota

lafz aur āvāz donoñ kho ga.e

mujh se haq chhīnā gayā hai baat kā

lafz aur aawaz donon kho gae

mujh se haq chhina gaya hai baat ka