ham se bichhḌe haiñ ka.ī log hamāre apne

ham ne har 'iid pe qurbān kiyā hai kuchh kuchh

hum se bichhDe hain kai log hamare apne

hum ne har 'id pe qurban kiya hai kuchh kuchh

ham to shā'ir haiñ hameñ vasl kī parvāh nahīñ

ham tujhe apne ḳhayālāt meñ chhū lete haiñ

hum to sha'ir hain hamein wasl ki parwah nahin

hum tujhe apne KHayalat mein chhu lete hain

ḳhud-kushī karne ko dariyā kī taraf jaatā huuñ

aur mil jaatā hai har roz kināre koī

KHud-kushi karne ko dariya ki taraf jata hun

aur mil jata hai har roz kinare koi

samar kā chāhnā hī sirf bejā hai daraḳhtoñ se

barābar in daraḳhtoñ kī hifāzat bhī zarūrī hai

samar ka chahna hi sirf beja hai daraKHton se

barabar in daraKHton ki hifazat bhi zaruri hai

abhī to ḳhuun bahā hai firāq meñ tere

abhī ye jaan mirī jaañ gañvānā baaqī hai

abhi to KHun baha hai firaq mein tere

abhi ye jaan meri jaan ganwana baqi hai

udāsī anginat yādeñ na jaane kitne bichhḌe ḳhvāb

kabhī dekhī hai yaaro tum ne vo āñkheñ december kī

udasi anginat yaaden na jaane kitne bichhDe KHwab

kabhi dekhi hai yaro tum ne wo aankhen december ki