maiñ chandā tū chāñdnī maiñ bhañvrā tū phuul

donoñ hī bad-nām haiñ donoñ hī maqbūl

main chanda tu chandni main bhanwra tu phul

donon hi bad-nam hain donon hi maqbul

suunā āñgan dekh ke jab bhī jī ghabrā.e

ik saaya anjān sā mujh ko gale lagā.e

suna aangan dekh ke jab bhi ji ghabrae

ek saya anjaan sa mujh ko gale lagae

ḳhāmoshī ko toḌ deñ aao uThā.eñ saaz

dīvāroñ ke biich se aatī hai āvāz

KHamoshi ko toD den aao uThaen saz

diwaron ke bich se aati hai aawaz

kaaT sake to kaaT de yādoñ kī zanjīr

varna baḌhtī jā.egī tere man kī piir

kaT sake to kaT de yaadon ki zanjir

warna baDhti jaegi tere man ki pir