rakhte haiñ jo allāh kī qudarat pe bharosa

duniyā meñ kisī kī vo ḳhushāmad nahīñ karte

rakhte hain jo allah ki qudarat pe bharosa

duniya mein kisi ki wo KHushamad nahin karte

rāste meñ mil ga.e to pūchh lete haiñ mizāj

is se baḌh kar aur kyā un kī ināyat chāhiye

raste mein mil gae to puchh lete hain mizaj

is se baDh kar aur kya un ki inayat chahiye

hadīs-e-dil ba-zabān-e-nazar bhī kah na sakā

huzūr-e-husn baḌhī aur bebasī merī

hadis-e-dil ba-zaban-e-nazar bhi kah na saka

huzur-e-husn baDhi aur bebasi meri

ḳhudā jaane ye soz-e-zabt hai yā zaḳhm-e-nākāmī

kabhī hotī na thī siine meñ lekin ye jalan pahle

KHuda jaane ye soz-e-zabt hai ya zaKHm-e-nakaami

kabhi hoti na thi sine mein lekin ye jalan pahle

un kī nigāh-e-lutf kī tāsīr kyā kahūñ

zarre ko āftāb banā kar chale ga.e

un ki nigah-e-lutf ki tasir kya kahun

zarre ko aaftab bana kar chale gae