aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER
Nafas Ambalvi's Photo'

Nafas Ambalvi

1961 | Ambala, India

Sher of Nafas Ambalvi

3.4K
Favorite

SORT BY

use gumāñ hai ki merī uḌaan kuchh kam hai

mujhe yaqīñ hai ki ye āsmān kuchh kam hai

use guman hai ki meri uDan kuchh kam hai

mujhe yaqin hai ki ye aasman kuchh kam hai

hamārī raah se patthar uThā kar pheñk mat denā

lagī haiñ Thokareñ tab ke chalnā siikh paa.e haiñ

hamari rah se patthar uTha kar phenk mat dena

lagi hain Thokaren tab ja ke chalna sikh pae hain

ab un ḳhvāb-gāhoñ meñ koī āvāz mat karnā

bahut thak-hār kar fōtpath par mazdūr so.e haiñ

ab un ki KHwab-gahon mein koi aawaz mat karna

bahut thak-haar kar footpath par mazdur soe hain

sunā hai vo bhī mire qatl meñ mulavvis hai

vo bevafā hai magar itnā bevafā bhī nahīñ

suna hai wo bhi mere qatl mein mulawwis hai

wo bewafa hai magar itna bewafa bhi nahin

inkār kar rahā huuñ to qīmat buland hai

bikne pe aa gayā to girā deñge daam log

inkar kar raha hun to qimat buland hai

bikne pe aa gaya to gira denge dam log

marne ko mar bhī jā.ūñ koī mas.ala nahīñ

lekin ye tai to ho ki abhī rahā huuñ maiñ

marne ko mar bhi jaun koi masala nahin

lekin ye tai to ho ki abhi ji raha hun main

uThā laayā kitāboñ se vo ik alfāz jañgal

sunā hai ab mirī ḳhāmoshiyoñ tarjuma hogā

uTha laya kitabon se wo ek alfaz ka jangal

suna hai ab meri KHamoshiyon ka tarjuma hoga

dariyā hai to hogā haañ magar itnā samajh lenā

tire jaise ka.ī dariyā mirī āñkhoñ meñ rahte haiñ

tu dariya hai to hoga han magar itna samajh lena

tere jaise kai dariya meri aankhon mein rahte hain

tārīkiyāñ qubūl thiiñ mujh ko tamām umr

lekin maiñ jugnuoñ ḳhushāmad na kar sakā

tarikiyan qubul thin mujh ko tamam umr

lekin main jugnuon ki KHushamad na kar saka

saarī gavāhiyāñ to mire haq meñ aa ga.iiñ

lekin mirā bayān mere ḳhilāf thā

sari gawahiyan to mere haq mein aa gain

lekin mera bayan hi mere KHilaf tha

hameñ duniyā faqat kāġhaz ik TukḌā samajhtī hai

patañgoñ meñ agar Dhal jaa.eñ ham to āsmāñ chhū leñ

hamein duniya faqat kaghaz ka ek TukDa samajhti hai

patangon mein agar Dhal jaen hum to aasman chhu len

ab tak to is safar meñ faqat tishnagī milī

sunte the rāste meñ samundar bhī aa.egā

ab tak to is safar mein faqat tishnagi mili

sunte the raste mein samundar bhi aaega

is shahar meñ ḳhvāboñ imārat nahīñ bantī

behtar hai ki ta.amīr naqsha badal lo

is shahar mein KHwabon ki imarat nahin banti

behtar hai ki tamir ka naqsha hi badal lo

mire ḳhayāl parvāz bas tumhīñ tak thī

phir is ke ba.ad mujhe koī āsmāñ na milā

mere KHayal ki parwaz bas tumhin tak thi

phir is ke baad mujhe koi aasman na mila

zindagī vaqt ke safhoñ meñ nihāñ hai sāhab

ye ġhazal sirf kitāboñ meñ nahīñ miltī hai

zindagi waqt ke safhon mein nihan hai sahab

ye ghazal sirf kitabon mein nahin milti hai

apne darāz-qad pe bahut naaz thā jinheñ

vo peḌ āñdhiyoñ meñ zamīñ se ukhaḌ ga.e

apne daraaz-qad pe bahut naz tha jinhen

wo peD aandhiyon mein zamin se ukhaD gae

ye ishq ke ḳhutūt bhī kitne ajiib haiñ

āñkheñ vo paḌh rahī haiñ jo tahrīr bhī nahīñ

ye ishq ke KHutut bhi kitne ajib hain

aankhen wo paDh rahi hain jo tahrir bhi nahin

ab kahāñ tak pattharoñ bandagī kartā phirūñ

dil se jis dam bhī pukārūñgā ḳhudā mil jā.egā

ab kahan tak pattharon ki bandagi karta phirun

dil se jis dam bhi pukarunga KHuda mil jaega

milte haiñ muskurā ke agarche tamām log

mar mar ke rahe haiñ magar sub.h-o-shām log

milte hain muskura ke agarche tamam log

mar mar ke ji rahe hain magar subh-o-sham log

zaḳhm abhī tak taaza haiñ har daaġh sulagtā rahtā hai

siine meñ ik jaliyāñ-vālā-bāġh sulagtā rahtā hai

zaKHm abhi tak taza hain har dagh sulagta rahta hai

sine mein ek jaliyan-wala-bagh sulagta rahta hai

vo bhiiḌ meñ khaḌā hai jo patthar liye hue

kal tak mirā ḳhudā thā mujhe itnā yaad hai

wo bhiD mein khaDa hai jo patthar liye hue

kal tak mera KHuda tha mujhe itna yaad hai

hamārī zindagī jaise koī shab bhar jalsa hai

sahar hote ḳhvāboñ ke gharauñde TuuT jaate haiñ

hamari zindagi jaise koi shab bhar ka jalsa hai

sahar hote hi KHwabon ke gharaunde TuT jate hain

nigāhoñ ke manāzir be-sabab dhundhle nahīñ paḌte

hamārī aañkh meñ dariyā koī Thahrā huā hogā

nigahon ke manazir be-sabab dhundhle nahin paDte

hamari aankh mein dariya koi Thahra hua hoga

jab bhī us dīvār se miltā huuñ ro paḌtā huuñ maiñ

kuchh na kuchh to hai yaqīnan us meñ patthar se alag

jab bhi us diwar se milta hun ro paDta hun main

kuchh na kuchh to hai yaqinan us mein patthar se alag

Recitation

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
Speak Now