naam hoñToñ pe tirā aa.e to rāhat sī mile

tū tasallī hai dilāsa hai duā hai kyā hai

nam honTon pe tera aae to rahat si mile

tu tasalli hai dilasa hai dua hai kya hai

ye anjuman ye qahqahe ye mahvashoñ kī bhiiḌ

phir bhī udaas phir bhī akelī hai zindagī

ye anjuman ye qahqahe ye mahwashon ki bhiD

phir bhi udas phir bhi akeli hai zindagi

ham ne kyā pā liyā hindū yā musalmāñ ho kar

kyuuñ na insāñ se mohabbat kareñ insāñ ho kar

hum ne kya pa liya hindu ya musalman ho kar

kyun na insan se mohabbat karen insan ho kar

maiñ duniyā kī haqīqat jāntā huuñ

kise miltī hai shohrat jāntā huuñ

main duniya ki haqiqat jaanta hun

kise milti hai shohrat jaanta hun