aa.ī vo rafta rafta taqaddus kī raah tak

phir yuuñ huā ki niyyat-e-nāseh bigaḌ ga.ī

aai wo rafta rafta taqaddus ki rah tak

phir yun hua ki niyyat-e-naseh bigaD gai

kirdār rahnumā kā mujhe lag rahā hai yuuñ

talvār jaise ho kisī pāgal ke haath meñ

kirdar rahnuma ka mujhe lag raha hai yun

talwar jaise ho kisi pagal ke hath mein

maiñ sabr kar rahā huuñ to zālim hai tā'na-zan

us ko ḳhabar nahīñ ki ḳhudā mere saath hai

main sabr kar raha hun to zalim hai ta'na-zan

us ko KHabar nahin ki KHuda mere sath hai

muddatoñ pahle uḌā hai vo parinda lekin

aaj tak merī nazar se kabhī ojhal na huā

muddaton pahle uDa hai wo parinda lekin

aaj tak meri nazar se kabhi ojhal na hua

mujhe ḳhabar hai use aisā dard hai 'zāhid'

jise davā nahīñ rishvat sukūn detī hai

mujhe KHabar hai use aisa dard hai 'zahid'

jise dawa nahin rishwat sukun deti hai