javāno nazr de do apne ḳhūn-e-dil kā har qatra

likhā jā.egā hindostān ko farmān-e-āzādī

jawano nazr de do apne KHun-e-dil ka har qatra

likha jaega hindostan ko farman-e-azadi

na hogā rā.egāñ ḳhūn-e-shahīdān-e-vatan hargiz

yahī surḳhī banegī ek din unvān-e-āzādī

na hoga raegan KHun-e-shahidan-e-watan hargiz

yahi surKHi banegi ek din unwan-e-azadi

tah bah tah jamtī chalī jaatī hai sannāToñ kī gard

hāl-e-dil sab dekhte haiñ pūchhtā koī nahīñ

tah bah tah jamti chali jati hai sannaTon ki gard

haal-e-dil sab dekhte hain puchhta koi nahin

ḳhudā ai kaash 'nāzish' jīte-jī vo vaqt bhī laa.e

ki jab hindostān kahlā.egā hindostān-e-āzādī

KHuda ai kash 'nazish' jite-ji wo waqt bhi lae

ki jab hindostan kahlaega hindostan-e-azadi