ḳhvāb meñ koī to manzil unheñ dikhtī hogī

jaate to hoñge kahīñ niiñd meñ chalne vaale

KHwab mein koi to manzil unhen dikhti hogi

jate to honge kahin nind mein chalne wale

tumhāre hijr ko vo kam-nasīb kyā samjhe

jise ḳhabar hī nahīñ kis qadar hasīñ ho tum

tumhaare hijr ko wo kam-nasib kya samjhe

jise KHabar hi nahin kis qadar hasin ho tum

sard havāoñ kā qabza thā sāgar ke us Taapu par

maiñ ne apnā ashk girā kar aag lagā.ī paanī meñ

sard hawaon ka qabza tha sagar ke us Tapu par

main ne apna ashk gira kar aag lagai pani mein

galī ke moḌ pe beva hai bad-nasīb koī

suhāganoñ ke liye chūḌiyāñ banātī hai

gali ke moD pe bewa hai bad-nasib koi

suhaganon ke liye chuDiyan banati hai

ḳhushk gul phir bhī kitāboñ meñ bhale lagte haiñ

zang lag jaa.e to talvār burī lagtī hai

KHushk gul phir bhi kitabon mein bhale lagte hain

zang lag jae to talwar buri lagti hai