hamāre baa'd bhī tum qahqahe lagāte ho

tumhāre baa'd to ham baat bhī nahīñ karte

hamare ba'd bhi tum qahqahe lagate ho

tumhaare ba'd to hum baat bhi nahin karte

maiñ kaaTā jā.ūñgā sab ko 'azīz hote hue

saḌak ke biich meñ aayā huā daraḳht huuñ maiñ

main kaTa jaunga sab ko 'aziz hote hue

saDak ke bich mein aaya hua daraKHt hun main

maiñ ki mahrūm thā āvāz kī rā'nā.ī se

tum jo aa.e ho to ehsās bhī sun saktā huuñ

main ki mahrum tha aawaz ki ra'nai se

tum jo aae ho to ehsas bhi sun sakta hun

mujh pe khultā na kabhī lafz-e-mohabbat maiñ ne

maañ ko dekhā to samajh aa.ī mohabbat kyā hai

mujh pe khulta na kabhi lafz-e-mohabbat main ne

man ko dekha to samajh aai mohabbat kya hai

zeb detā hai use itnā taġhāful mujh se

vo kahīñ aur bhī masrūf-e-vafā hai shāyad

zeb deta hai use itna taghaful mujh se

wo kahin aur bhi masruf-e-wafa hai shayad