DhūñDne vaale ġhalat-fahmī maiñ the

vo anā ke saath apne sur meñ thā

DhunDne wale ghalat-fahmi main the

wo ana ke sath apne sur mein tha

diloñ ke biich kī dīvār gir bhī saktī thī

kisī ne kaam liyā hī nahīñ tadabbur se

dilon ke bich ki diwar gir bhi sakti thi

kisi ne kaam liya hi nahin tadabbur se

kuchh nau-javān shahr se aa.e haiñ lauT kar

ab daav par lagī huī izzat hai gaañv kī

kuchh nau-jawan shahr se aae hain lauT kar

ab daw par lagi hui izzat hai ganw ki

maiñ ajnabī huuñ magar tum kabhī jo sochoge

koī qarīb kā rishta zarūr niklegā

main ajnabi hun magar tum kabhi jo sochoge

koi qarib ka rishta zarur niklega

raat ke lamhāt ḳhūnī dāstāñ likhte rahe

sub.h ke aḳhbār meñ hālāt behtar ho ga.e

raat ke lamhat KHuni dastan likhte rahe

subh ke aKHbar mein haalat behtar ho gae