maiñ to nam ret kī mūrat kī tarah huuñ lekin

baa'd is ke mujhe patthar kā ḳhudā honā hai

main to nam ret ki murat ki tarah hun lekin

ba'd is ke mujhe patthar ka KHuda hona hai

shab bhar vo merī bāhoñ se lipTā rahā magar

us vasl ke vo mujh se doshāle bhī le gayā

shab bhar wo meri bahon se lipTa raha magar

us wasl ke wo mujh se doshaale bhi le gaya

terī takmīl kī ḳhātir hī faqat ā.īne

ḳhud ko tayyār kiyā jaa.e zarūrī to nahīñ

teri takmil ki KHatir hi faqat aaine

KHud ko tayyar kiya jae zaruri to nahin

chashm-e-āhū kī qasam rone se dukhtā hai dil

terī palkoñ pe maiñ har shaam suhānī likh duuñ

chashm-e-ahu ki qasam rone se dukhta hai dil

teri palkon pe main har sham suhani likh dun

zindagī khel bahut ḳhuub haiñ tere lekin

dil ko kuchh der nayā ḳhvāb dikhāyā jaa.e

zindagi khel bahut KHub hain tere lekin

dil ko kuchh der naya KHwab dikhaya jae